Gjermani, serbi vret gruan kosovare në sy të vajzës

Mediat gjermane kanë njoftuar sot një ngjarje të rëndë, të ndodhur në një banesën, në Winterlingen, Landi Baden Wüurttmeberg.

Sipas raportimeve një grua shqiptare, 41 vjeçare është gjetur e pajetë të dielën, pak pas orës 19. Dyshimet e para të policisë ishin për vrasje dhe kjo çoi në arrestimin e bashkëshortit të saj 48 vjeçar.

Nga hetimet e kryera rezulton se ngjarja e rëndë është pa më të voglin dyshim një krim në familje, pasi 48 vjeçari ka shtënë me armë zjarri mbi bashkëshorten e tij, e cila, nga plagët e marra, ka ndërruar jetë në moment.

Presseportal.de. shkruan se ngjarja është shokuese, pasi edhe vajza 17 vjeçare e çiftit ndodhej në ato momente në banesë, e për më tepër ka pësuar lëndime të lehta.

Bashkëshorti i dyshuar për vrasje, ka nënshtetësi të Serbisë ndërsa e shoqja, nënshtetësi kosovare, shkruan albinfo.ch.

Për sqarimin e detajeve të ngjarjes kërkohet ndërmarrja e hetimeve të gjera kriminale teknike dhe nga fusha e mjekësisë ligjore. Bashkëshorti i arrestuar si i dyshuar për vrasje, gjatë ditës së sotme do t`i dorëzohet gjyqtarit hetues në Gjykatën kompetente penale.

Për zbardhjen e rrjedhës së vrasjes, Drejtoria e Krimit në Policinë e Rottweil-it ka formuar një grup të veçantë hetues.

Kategoritë
DIASPORALajme

Të ngjajshmet