Gjenetika nuk është faktor dominues në përcaktimin e jetëgjatësisë

Shkencëtarët thonë se për dallim nga supozimet e deritashme, faktori i trashëgimisë ka dyfish deri në trefish më pak ndikim në jetëgjatësinë e njeriut.

Studimet e reja shkencore kanë treguar se gjenetika ka një ndikim shumë më të vogël në jetëgjatësinë e njeriut se sa është supozuar më parë,.

Një grup shkencëtarësh për qendrën “Calico&Ancestry” kryen hulumtime gjithëpërfshirëse në bazë të pemës familjare që mbulojnë më shumë se 400 milionë njerëz.

Konkluzioni më i rëndësishëm që shkencëtarët kanë ardhur është se trashëgimia nuk ka rëndësinë e cila i është dhënë më herët në përcaktimin e jetëgjatësisë së njeriut.

Shkencëtarët kanë përdorur metodën e hulumtimit që kombinon modelet matematikore dhe statistikore duke analizuar jetëgjatësinë e njerëzve që kanë jetuar në dy shekujt e mëparshëm.

Në raport, hulumtuesit potencojnë se ekziston ngjashmëri shumë më e madhe e jetëgjatësisë bashkëshortore, se sa është rasti me të afërmit e tyre dhe shtojnë se kjo konfirmon se faktori i trashëgimisë nuk është vendimtar se sa do të jetojë një person.

Studimet e mëhershme thonin se gjenetika është një faktor prej 20 deri në 30 për qind në përcaktimin e jetëgjatësisë së njerëzve, ndërsa protagonistët e studimit të ri argumentojn se ky është një faktor që ka më pak se 10 për qind të ndikimit.

Rezultatet e detajuara të hulumtimit u botuan në revistën shkencore “Genetics”.

Kategoritë
FamiljeShëndetësi

Të ngjajshmet