Gazeta lokale amerikane fiton çmimin Pulitzer, të cilin nuk e donte

Një gazetë lokale amerikane ka fituar çmimin Pulitzer, për mbulimin e një masakre në dhomën e lajmeve të vet kësaj gazete.

Por, pas marrjes së çmimit më prestigjioz në gazetarinë amerikane, Capital Gazette, nuk festoi.

Stafi qetësisht u përqafuan në kujtim të pesë kolegëve të tyre të vrarë,  kur një person i armatosur hapi zjarr në zyrën e tyre në qershor të vitit 2018.

Çmimi Pulitzer iu nda gjithashtu edhe gazetës  New York Times dhe Wall Street Journal të cilat shkruan për hetimet ndaj Presidentit Trump.

Capital Gazette në Annapolis të Maryland,  fitoi çmimin special Pulitizer për mbulimin dhe guximin e njërit prej sulmeve më vdekjeprurëse ndaj gazetarëve në historinë amerikane.

Bordi Pulitzer i dha një grant prej 100,000 dollarë.

Punonjësit John McNamara, Wendi Winters, Rebecca Smith, Gerald Fischman dhe Rob Hiaasen  u vranë në sulmin e verës së kaluar.

Çmimi Pulitzer  iu nda edhe Washington Post, Reuters dhe Sun Sentinel.

Kategoritë
BotaLajme

Të ngjajshmet