Gashi: Kërkojmë që Dita e Evropës të mos jetë ditë feste por vetëm përkujtimi

Deputetët e Kuvendit të Kosovës, aktualisht janë kthyer në sallën e seancave ku po diskutojnë në lidhje me ndryshimet në Ligjin për Festat Zyrtare.

Shefi i Grupit Parlamentar të LDKJ-së Arben Gashi përveç pati vërejtje për atë se në këtë ligj është sjellur vetëm një nen për tu shqyrtuar, kërkoi në emër të grupit të tij që Dita e Evropës 9 maji, nuk duhet të jetë si ditë feste por vetëm përkujtimi.

Ai tutje ka thënë se edhe 24 qershori Dita e Egjiptianëve të jetë vetëm si ditë përkujtimi.

“Ne jemi dakord që në kuadër të rishikimit të këtij ligji, ka disa rishikime, Dita e Evropës, të bëhet vetëm si ditë përkujtimi e jo të festohet. Si dhe të ndryshohet, të hiqet që dita e nesërme të jetë ditë pushim. Poashtu 24 qershori të shënohet si ditë përkujtimi për komunitetit egjiptian”, tha shefi i Grupit parlamentar të LDK-së.

Kategoritë
LajmeVendi

Të ngjajshmet