Fushata zgjedhore në Turqi, Erdogan mbledh një ‘Kosovë të terë’ në miting (Video)

Sipas raporteve të policisë, shkruajnë mediat turke përcjell Gazeta e Re, mbi 1.6 milionë njerëz kanë marrë pjesë sot në “Tubimin e Madh të Stambollit” e cila zhvillohet në prag të zgjedhjeve lokale në Turqi.

“Jemi mbledhur edhe një herë për Stambollin në Yenikapı me të gjithë vëllezërit e mi që i janë dhënë me zemër Partisë AK dhe Partisë së Lëvizjes Nacionaliste MHP. Me të gjithë ata që kanë besuar Aleancën Popullore. Sipas shifrës zyrtare që kam marrë, në Yenikapı ndodhen 1.6 milionë njerëz”, tha Erdoğan gjatë fjalimit të mbajtur në tubimin e madh të Stambollit, transmeton AA.

Presidenti Erdoğan me aleatin e tij zgjedhor me kreun e Partisë së Lëvizjes Nacionaliste MHP, Devlet Bahçeli mbajtën sot në rajonin Yenikapı të Stambollit një tubim në lidhje me zgjedhjet bashkiake të 31 marsit ku për kreun e Bashkisë kandidon, Binali Yıldırım.

Pasi ka rikujtuar se po në sheshin Yenikapı janë mbledhur edhe më parë më 7 gusht menjëherë pas tentativës për grusht shtetit të 15 korrikut, Erdoğan tha se “Aleanca popullore nuk është një aleancë që u përket vetëm dy partive por gjithë Turqisë sepse është aleanca e popullit. Pikërisht pse është e tillë ajo sulmohet, ndodhet në objektivin e të gjithëve. Por, janë të kota këto përpjekjve çfarëdo që të bëjnë si nga jashtë ashtu edhe nga brenda. Bashkë me popullin tonë, me lejen e Allahut ne do të vazhdojmë ta mbrojmë deri në kijamet (ditën e gjykimit) Stambollin si një qytet turk, si një qytet islam ku është mbyllur një epokë dhe është hapur një tjetër”.

Po ashtu Erdoğan ka folur për projektet dhe punimet që janë kryer dhe planifikohen të zbatohen në Stamboll, ku ai ka theksuar se “Do të ndërtojmë 17 qendra rehabilitimi që do të ofrojnë shërbime për 200 mijë vëllezërit tanë me aftësi të kufizuara në Stamboll. Po ashtu me ‘Luginën e Bioteknologjisë‘ ku do të prodhohen shumë produkte nga antitrupat, vaksinat, e deri tek ilaçet e kimioterapisë do të sigurohet punësim për 20 mijë persona”.

#Erdoğan: Në Yenikapı ndodhen 1.6 milionë njerëz http://v.aa.com.tr/1427432

#Erdoğan: Në Yenikapı ndodhen 1.6 milionë njerëz http://v.aa.com.tr/1427432"Ndodhemi, jemi mbledhur edhe një herë për Stambollin në Yenikapı me të gjithë vëllezërit e mi që i janë dhënë me zemër Partisë AK dhe Partisë së Lëvizjes Nacionaliste MHP. Me të gjithë ata që kanë besuar Aleancën Popullore. Sipas shifrës zyrtare që kam marrë, në Yenikapı ndodhen 1.6 milionë njerëz", tha Erdoğan gjatë fjalimit të mbajtur në tubimin e madh të Stambollit.

Publiée par Anadolu Agency Shqip sur Dimanche 24 mars 2019

Kategoritë
BotaLajme

Të ngjajshmet