Franca zgjeron ndalesën e qarkullimit në dhjetëra rajone të tjera

Gjithsej 54 rajone në Francë tani do t’u përmbahen kufizimeve të reja midis orës 21:00 dhe orës 6:00 të mëngjesit, ndërkohë që ky vendim prek pothuajse 46 milionë njerëz

Kryeministri francez Jean Castex njoftoi se në 38 rajone (departamente) të tjera brenda vendit si dhe territorin e Polinezisë do të zbatohet ndalesë qarkullimi duke filluar nga e shtuna për të frenuar përhapjen e koronavirusit të ri (COVID-19), raporton Anadolu Agency (AA).

Më 24 tetor, rajonet në fjalë do t’i shtohen listës e cila përfshin rajonet Ile-de-France dhe tetë rajone të tjera të Francës në të cilat u vendos ndalesë qarkullimi javën e kaluar.

Gjithsej 54 rajone në Francë tani do t’u përmbahen kufizimeve të reja midis orës 21:00 dhe orës 6:00 të mëngjesit, ndërkohë që ky vendim prek pothuajse 46 milionë njerëz.

Kryeministri e quajti situatën “të rëndë” në një konferencë shtypi, ndërsa njoftoi shtrirjen e masave kundër koronavirusit.

Njoftimi nga Castex gjithashtu vendos rajonet e reja në nivelin maksimal të sigurisë, më të lartin prej tri niveleve që Franca ka vendosur për të cilësuar rrezikun brenda secilit rajon.

Që nga fillimi i vendimit për ndalesë qarkullimi javën e kaluar, 4.777 gjoba janë dhënë nga policia për mosprespektim të masës.

Kategoritë
BotaLajme

Të ngjajshmet