Më 9 nëntor, policia austriake arrestoi 30 aktivistë muslimanë si pjesë e “operacionit Luxor” dhe kreu bastisje në 60 adresa me akuzat e veprimtarive terroriste dhe pastrimit të parave.
Policia austriake bastisi banesën e aktivistit Mohamed Jamal Morad në qendër të Vjenës më 9 nëntor, ndërsa ai tha se nuk do ta harronte kurrë atë trajtim brutal policor ndaj familjes së tij dhe do të qëndrojë deri në fund në betejën ligjore të cilën është duke e zhvilluar.
Morad është me origjinë nga Siria. Ai ka jetuar dhe punuar në Vjenë për 42 vjet. Ai është një njeri që merret me tregti, ndërsa në të njëjtën kohë është një aktivist i disa organizatave joqeveritare dhe për 11 vjet ishte ndër udhëheqësit e Bashkësisë Islame të Austrisë (IGGO).
Në një bisedë për Anadolu Agency (AA), Morad tha se përmes aktivizimit në shoqërinë civile ai fitoi shumë njohje në politikë, polici dhe sektorë të tjerë në Austri me të cilët punoi në projekte për të forcuar paqen dhe harmoninë brenda shoqërisë në Vjenë.
Duke theksuar se ai asnjëherë më parë nuk ka pasur problem me ligjin, policinë ose shërbime të tjera shtetërore austriake, Morad tha se për vete mund të thoshte me besim se ishte një njeri i njohur në Austri dhe se shumë udhëheqës të shtetit ishin midis të ftuarve kur ai themeloi në vitin 2003, organizatën joqeveritare “Liga e Kulturës”.
Ai tha se në orët e para të mëngjesit të 9 nëntorit të këtij viti, ai përjetoi një tronditje për shkak të mënyrës se si policia hyri në shtëpinë e tij dhe mënyrës se si e trajtoi atë dhe familjen e tij.
“Bashkëshortja dëgjoi zhurmë para derës dhe më thirri, duke menduar se bëhet fjalë për plaçkitës. U nisa drejt derës hyrëse e cila në atë moment u thye nga pesë ose gjashtë persona të armatosur dhe me uniformë. Ishin forcat speciale që na detyruan të shtrihemi përtokë”, tha Morad.
Ai kujtoi tronditjen që përjetoi kur kuptoi se nuk ishin grabitës ata që hynë në shtëpinë e tij, por oficerët e policisë me pushkë. Ai shtoi se edhe sot nuk e kupton pse ata thjesht nuk i ranë ziles së derës dhe të hyjnë në banesë në një mënyrë të civilizuar dhe pse ishin aq të alarmuar sikur të prisnin që dikush t’i kundërshtonte me armë.
Policia gjithashtu trajtoi brutalisht fëmijët
Duke kujtuar të shtrirë në tokë të qetë me duart e ngritura mbi kokë, Morad tha se në një moment pa një grup tjetër oficerësh policie që hynin në dhomën e fëmijëve.
“Atëherë unë bërtita me të madhe për t’i lutur që të mos hynin dhe të mos zgjonin fëmijë në atë mënyrë. Ata nuk i përfillën fjalët e mia dhe unë u thashë policëve që po më drejtonin pushkët se do t’i padisja sepse ata nuk kanë të drejtë të sillen ashtu”, tha Morad.
Ai gjithashtu tha se policët hynë brutalisht në dhomën e fëmijëve sikur të ishte një skenë lufte dhe se kurrë nuk do t’i harrojë ato momente të bërtitjes ndaj fëmijëve të tij.
“Isha në shok, tentova të merrja veten dhe në një çast nuk isha i sigurtë a jam me të vërtetë në Vjenë apo jam në Siri, në të cilën ndodhin gjëra të tilla. Realiteti i hidhur është se atë e përjetova në qendër të Vjenës në të cilën me qetësi kalova 42 vite të jetës”, tha Morad.
“Përfundimisht, shefi i ekipit të policisë u shfaq që kreu bastisjen dhe njihemi me njëri-tjetrin. E pyeta për çfarë bëhej fjalë dhe pse na trajtuan kështu. Unë i thashë se ai më njihte mirë dhe se edhe unë e njihja atë, ndërsa ai u përgjigj se më njihte mirë dhe se e dinte të kaluarën time. Ai më tha se më konsideronte të pafajshëm, por se po kryente vetëm urdhrin që mori nga nivelet më të larta”, tha Morad.
Ai më pas tha se policia i tregoi një dosje që përmbante 29 emra të tjerë të personave që ishin nënshtruar të njëjtave akuza. Ai pretendon se njeh disa nga njerëzit në atë listë dhe se është mjaft e qartë për të se akuzat e pabazuara janë vepër e gjoja ekspertëve të cilët janë të njohur për qëndrimin e tyre armiqësor ndaj Islamit dhe muslimanëve.
Pasi bastisjes së shtëpive, Morad shkoi në zyrë me policinë dhe i vjen keq që fqinjët e tij u traumatizuan duke parë dhjetëra policë të armatosur dhe automjete policie që hynin në shtëpinë e familjes së tij dhe e trajtonin atë si një terrorist.
Brutaliteti policor ndaj familjes Morad frikësoi muslimanët në Austri
Në bisedën për AA, Morad tha se nuk ka hasur në komente negative nga njerëzit në mjedisin në të cilin ai jeton, por që ai me siguri do të duhet të luftojë për një kohë të gjatë për të shkurajuar ata që kanë përshtypjen se kanë një fqinj terrorist.
Llogaritë bankare të Morad-it janë bllokuar, biznesi u ndalua dhe për shkak të fshehtësisë së pretenduar të hetimit, as avokati dhe as ai nuk u lejuan të inspektojnë dosjet dhe akuzat specifike kundër tij. Ai shtoi se e konsideron atë shkelje të rëndë të të drejtave të tij.
Ai paralajmëroi se deri në fund do të qëndrojë në betejën ligjore sepse është i vetëdijshëm për frikën dhe shqetësimin që çështja e tij ka shkaktuar në mesin e muslimanëve në Austri.
Vajzat e Morad-it, njëra 7-vjeçare dhe tjetra 12-vjeçare, kanë trauma psikologjike për shkak të bastisjes brutale të policisë në shtëpinë e tyre.
Vajza e madhe R.M. tha se ajo u zgjua nga zhurma e madhe dhe as nuk e kuptoi se çfarë po ndodhte, por vetëm pa policë të armatosur që hynin në dhomën e saj.
“Për disa çaste, policia nuk foli, ata vetëm qëndruan mbi ne. Njëri më tha të shikoja motrën time më të vogël. E pashë duke vështruar, por sytë po i hapeshin dhe ishte zgjuar, vetëm se bëri sikur po flinte akoma nga frika”, tha vajza, duke shtuar se ende ndihet e tronditur dhe mosbesim për shkak të asaj që përjetuan.
Vajza ka dhimbje të forta në stomak pas sulmit të policisë dhe ende nuk dëshiron të flasë për incidentin, ndërsa të dyja fjetën në shtrat me nënën dhe babanë e saj për ditë të tëra pas asaj që ndodhi sepse nuk mund të flinin vetëm në dhomë nga frika.
Më 9 nëntor, policia austriake arrestoi 30 aktivistë muslimanë si pjesë e “operacionit Luxor” dhe kreu bastisje në 60 adresa me akuzat e veprimtarive terroriste dhe pastrimit të parave.
Organizata të shumta joqeveritare, intelektualë dhe gazetarë dënuan brutalitetin e policisë gjatë operacionit dhe kërkuan që të zbardhet i gjithë rasti.
