Detaje të reja rreth vdekjes së miliarderit dhe gruas së tij

Policia kanadeze po heton vdekjen e miliarderit Berry Sherman dhe gruas së tij Honey. Ata të dy u gjetën të vdekur në bodrumin e shtëpisë së tyre dhe policia i përshkroi rrethanat e vdekjes së tyre si “të dyshimtë” dhe nisi një hetim.

Sipas “Toronto Dream”, Berry Sherman dhe gruaja e tij u gjetën varur mbi një pishinë shtëpie në vilën e tyre luksoze në Toronto.

Më saktësisht, trupat e tyre vareshin në një gardh rreth pishinës së brendshme.

Edhe pse policia zyrtarisht nuk jep asnjë informacion, “Toronto Dream” nga burime të afërta me hetimin shkruan se hetuesit tashmë besojë se bëhet fjalë për një vrasje dhe një vetëvrasje.

Hetuesit besojnë se Honey Sherman u vra në një vend tjetër dhe trupi i saj u transferua më vonë në një shtëpi ku më vonë u gjetën së bashku me trupin e të shoqit.

Berry Sherman ishte themeluesi dhe kreu i kompanisë farmaceutike Apotex Pharmaceuticals, e cila shet barna gjenerike në mbarë botën. Ai ishte një nga burrat më të pasur në Kanada, i njohur si filantropist i shquar.

Sherman themeloi Apotex në vitin 1974 dhe kjo kompani është prodhuesi i shtatë më i madh i barnave në botë. Revista Forbes vlerësoi pasurinë e Sherman në 3.2 miliardë dollarë, transmeton KosovaPress.

Kategoritë
BotaLajme

Të ngjajshmet