Artisti turk Haluk Bilginer zgjidhet “aktori më i mirë” në Çmimet “Emmy”

Artisti turk, Haluk Bilginer, u zgjodh të hënën “aktori më i mirë” në edicionin 47. të Çmimeve Ndërkombëtare “Emmy” në Nju-Jork të Shteteve të Bashkuara të Amerikës për performancën e tij në serialin televiziv “Sahsiyet” (Persona).

Kandidatë për çmimin e aktorit më të mirë, fituar tashmë nga Haluk Bilginer, ishin 4 emra nga Turqia, Britania, Gjermania dhe Brazili.

“Jam jashtëzakonisht i lumtur, më shumë që ky çmim shkoi në Turqi sesa për veten time”, deklaroi aktori 65-vjeçar pasi mori në dorëzim çmimin.

“Është shumë e këndshme që puna jonë, të cilën ne bëjmë me dashuri e admirim, vlerësohet nga të tjerët në një platformë ndërkombëtare dhe kurorëzohet me një çmim”, shtoi ai.

Në këtë telenovelë, Bilginer luan karakterin e Agahut, një vrasës serial i diagnostikuar me Alzheimer, i cili është i mallkuar të humbasë përfundimisht të gjitha kujtimet e tij.

Karakteri i jetësuar nga Bilginer, megjithatë, e shndërron sëmundjen në një mundësi që e lejon atë të ekzekutojë fajtorë dhe kriminelë pa pasur frikë se mund ta brejë ndërgjegjja.

Seriali 12-episodësh fitoi mirënjohje nga shikuesit në Turqi e jashtë saj dhe vlerësohet me 9,1 pikë nga 10 të mundshme në Bazën e të Dhënave të Filmit në Internet (IMDb).

Kategoritë
Kulturë

Të ngjajshmet