Arrestohet një 25 dhe 30 vjeçar për vjedhje në tentativë në Prishtinë

Janë arrestuar dy persona në Prishtinë për vjedhje të rëndë në tentativë. 25 dhe 30 vjeçari mbrëmjen e së hënës kishin tentuar të kryenin vjedhje në një market në rrugën “Bill Klinton” në Prishtinë, por që ata u kapën në flagrancë nga policia.

Kështu bën të ditur për KosovaPress, zëdhënësi i Policisë së Kosovës për Rajonin e Prishtinës, Agron Borovci.

“Mbrëmë rreth orës 23:00, kemi pranuar informatën për një rast tentim vjedhje në një market në rrugën ‘Bill Klinton’ në Prishtinë. Informatat e shpejta nga ana e rojeve të sigurisë kanë mundësuar një reagim efikas të policisë që ka rezultuar me arrestimin në flagrancë të dy personave të dyshuar, të cilët me forcë kishin depërtuar brenda marketit”, tregon Borovci.

Ndërsa, dy të arrestuarit me urdhër të prokurorit janë dërguar në mbajtje për 48 orë.

“T. O, mashkull 25 vjeç, shtetas i Marokut dhe Y.H , mashkull 30 vjeç, shtetas i Palestinës, pas intervistimit me urdhër të prokurorit janë dërguar në mbajtje për 48 orë dhe ndaj tyre është inicuar rast për veprën vjedhje e rëndë në tentativë”, tregoi Borovci.

Kategoritë
LajmeVendi