Ahmeti thotë se Kosova ka të mbledhura më shumë se 1 miliard euro që nga pandemia

Kryetari i Prishtinës, Shpend Ahmeti, ka thënë Qeveria e Kosovës ka në bankë qendrore të mbledhura nga ATK e Doganat më shumë se 1 miliard euro, përcjell Ekonomia Online.

Ahmeti tha se prej vendimeve që qeverisë së kaluar për ndalimin e Investimeve Kapitale e deri te moslëvizja e qeverisë së tanishme janë akumuluar fonde marramendëse

“Krejt bota merr kredi për të futur kapital të shumënevojshëm në ekonomi, ne kemi marr para nga ekonomia dhe po i mbajmë në bankë. PRA, përveç krizës ne kemi marr nga qytetarët dhe nuk kemi gjet mënyrë me e kthy. Ne spaskemi nevojë as të kreditohemi as të shpikim shpenzime e transfere nga trusti. Vetëm gjysma e këtyre fondeve të kthehej në këtë periudhë përmes programeve kreative do të kishte ndikim të madh”, ka shkruar Ahmeti në Facebook.

Tutje, ai tha se nuk është koha për konzervatizëm e kontabilitet, por për kreativitet e shpenzim.

Postim i plotë i Ahmetit:

Bashkqytetarë të nderuar:

Paradoksi më i madh i situatës në Kosovë që ka pasoja marramendëse tek ne!

Shteti/qeveria i/e Republikës së Kosovës i ka në bankë qendrore të mbledhura nga ATK e Doganat e të pashpenzuara sot më 18 Nëntor 2020 më shumë se 1 (miliardë) Euro.

Po, Po mirë e lexuat – 1 MILIARDË EURO!

Prej vendimeve që qeverisë së kaluar për ndalimin e Investimeve Kapitale e deri te moslëvizja e qeverisë së tanishme janë akumuluar fonde marramendëse. Kur teoria kryesore në krejt botën është e shpenzimeve e kërkesës agregate, ne kemi shkuar në drejtimin e kundërt me kursime.

Krejt bota merr kredi për të futur kapital të shumënevojshëm në ekonomi, ne kemi marr para nga ekonomia dhe po i mbajmë në bankë. PRA, përveç krizës ne kemi marr nga qytetarët dhe nuk kemi gjet mënyrë me e kthy.

Ne spaskemi nevojë as të kreditohemi as të shpikim shpenzime e transfere nga trusti. Vetëm gjysma e këtyre fondeve të kthehej në këtë periudhë përmes programeve kreative do të kishte ndikim të madh.

Nuk është koha për konzervatizëm e kontabilitet. Është koha për kreativitet e shpenzim.

Kategoritë
LajmeVendi

Të ngjajshmet