​“Botimet Fleta”, në Prizren shënon Ditë Botërore të Librit (Video)

Sot në mbarë botën po shënohet Dita Botërore e Librit, e cila origjinën e idesë së përkujtimit të kësaj dite e ka në Spanjë, në zonën e Katalonjës, ku atij që blinte një libër i dhurohej edhe një trëndafil.

23 prilli është shpallur si Ditë Botërore e Librit që nga 15 nëntori i vitit 1995. Dita botërore e librit dhe të drejtës autoriale këtë vit shënohet edhe në Kosovë në bashkëpunimin e organizatave të shoqërisë civile që mbështesin kulturën.

Dita Botërore e Librit u shënua edhe në Prizren, nën organizimin e Librarisë “FLETA” të rinjtë shpërndan libra qytetarëve të Prizrenit, ata më pas u mblodhën në parkun e Marashit ku dhe e realizuan lexim në formë grupore.

“Për nder të Ditës Botërore të Librit dhe të së Drejtës së Autorit, Botimet FLETA organizoi një aktivitet përkrahës për rëndësinë e pazëvendësueshëm të librit. Si një burim i dijës, kurajos morale, kthjelltësisë mendore, aktivizimit për ndikim pozitiv shoqëror, na takon sikur sot, nesër dhe për mot kontributi për kultivimin e inkurajimin e leximit. Shtëpia Botuese FLETA të gjithë lexuesve ua uron Ditën Botërore të Librit dhe të së Drejtës së Autorit”, shkruan ne postimin e bere ne faqen zyrtare te Shtëpisë Botuese “FLETA”, përcjell Gazeta e Re.

Ndryshe, Dita ndërkombëtare e Librit dhe të drejtave autoriale që është përzgjedhur të jetë 23 prilli, është një datë me kuptim simbolik për letërsinë botërore. Me këtë datë të vitit 1616, lidhet vdekja e dy kolosëve të letërsisë botërore: Shekspirit në Angli dhe Miguel de Servantes në Spanjë.

Kjo datë shënohet në botë që nga viti 2003, ndërsa është pazgjedhur në vitin 1995 nga Asambleja e përgjithshme e UNESCO me qëllim të kontribuojë në mbarë botë për të drejtat e autorit duke inkurajuar të gjithë, e në veçanti të rinjtë për të zbuluar kënaqësinë e leximit.

Kjo datë është edhe një thirrje për të rritur respektin për kontributet e pazëvendësueshme të autorëve dhe librit në progresin social dhe kulturor të njerëzimit.

Suksesi i librit dhe i të drejtës autoriale varet kryesisht në mbështetjen që duhet marrë nga të gjitha palët e interesuara ku hyjnë autorët e librit, botuesit, mësuesit, bibliotekistët, institucionet publike dhe private, OJQ-të dhe mediat, të cilat mobilizohen në çdo vend.

Duke qenë një nga mjetet më të vjetra të komunikimit dhe shpërndarjes, jo vetëm libri që ka ndikim shpirtëror, arsimor dhe kulturor, por ai përfshin edhe aspektet ligjore ekonomike të tregtisë botuese. /Gazetaere.com/

Shtëpia Botuese “FLETA” të gjithë lexuesve ua uron Ditën Botërore të Librit dhe të së Drejtës së Autorit

Për nder të "Ditës Botërore të Librit dhe të së Drejtës së Autorit" , Botimet FLETA organizoi një aktivitet përkrahës për rëndësinë e pazëvendësueshëm të librit. Si një burim i dijës, kurajos morale, kthjelltësisë mendore, aktivizimit për ndikim pozitiv shoqëror, na takon sikur sot, nesër dhe për mot kontributi për kultivimin e inkurajimin e leximit.Shtëpia Botuese #FLETA të gjithë lexuesve ua uron Ditën Botërore të Librit dhe të së Drejtës së Autorit

Publiée par Botimet FLETA sur Mardi 23 avril 2019

Kategoritë
KulturëLajmeVendi

Të ngjajshmet